Балқаш қаласы әкімдігінің
Ресми сайт
poisk

Облыстың жаңалықтары

20 Тамыз 2019
«Ауыл – ел бесігі» арнайы жобасы бойынша Жаңаарқа ауданының Атасу кентінде балабақшалар мен ТКШ нысандары жөндеуден өтеді

Облыс әкімінің орынбасары Серік Шайдаров жұмыс сапарымен Жаңаарқа ауданына барып қайтты. Оны өңірде «Ауыл – ел бесігі» арнайы жобасының қалай жүзеге асырылып жатқандығы қызықтырды.
Атасу кентінде осы бағыт бойынша 10 жоба жүзеге асырылуда. Тізімге коммуналдық-инженерлік инфрақұрылымның алты нысаны мен әлеуметтік және көліктік инфрақұрылымның екі жобасы енгізілді. Екі балабақша, тазарту құрылыстары, қазандықтар, жылу трассалары, көше жарықтары және аудан орталығының жеті көшесіндегі жолдар жөнделетін болады.
- Аталмыш жобаларды жүзеге асыру барысында 85 жұмыс орны ашылады. Жұмыстар барлық нысандарда басталды. Бақылау қатаң болуы керек. Жұмыстың әрбір кезеңі мен материалдардың сапасы ерекше назар аударуды талап етеді, - деді Серік Шайдаров.
Облыс әкімінің орынбасары барлық нысандарды аралап, мердігерлердің есебін тыңдады. Ол арнайы жобаны жүзеге асыру барысына көңілі толатынын айтты. Ауданда үнемделген қаражатқа қосымша жұмыстар жүргізуге мүмкіндік бар.
Ауылдың әлеуметтік инфрақұрылымын жаңғырту міндетін Елбасы «Қазақстандықтардың әл-ауқатының өсуі: табыс пен тұрмыс сапасын арттыру» Жолдауында қойды, деп атап өтті ол. Ол үшін Үкімет «Ауыл - ел бесігі» арнайы жобасын әзірледі. Облыстарда өсу және тұрақты даму нүктелері болуы тиіс әлеуеті жоғары ауылдар анықталды. Оларды жаңғырту өңірлік стандарттар бойынша жүргізіледі.
Инфрақұрылымды және әлеуметтік саланы дамыту бойынша 26 жоба үш аудан орталығында - Жаңаарқа ауданының Атасу кентінде, Нұра ауданының Нұра кентінде, Ұлытау ауданының Ұлытау ауылында іске асырылады.
 


Кері қайту


Все новости региона

01.01.1970
01.01.1970
01.01.1970

Ауа райы

22°
В Балхаше: ясно, Влажность 23%, Давление 715, ветер 7 м/с

Валюта курстары

USD 387.34
Euro 428.44
Рубль 6.04

Дауыс бер

Сіз электрондық үкімет порталында электрондық қызмет алдыңыз ба? Жауап беруДауыс беру мұрағаты
© 2007-2019 Балқаш қаласының әкім аппаратының ақпараттық порталы Сайт материалдарын пайдаланғанда ақпарат алған көзге сілтеме жасау міндетті
Яндекс.Метрика
© 2019 Зерттеме және сүйеніш: "Creatida" Интернет-компаниясы
На главную
Назад
Вверх