Балқаш қаласы әкімдігінің
Ресми сайт
poisk

Облыстың жаңалықтары

16 Мамыр 2019
Қарағандыда «Рухани жаңғыру» бағдарламасы бойынша триатлон-саябағы ашылады

 

Қарағандыда ашық аспан астында спорт алаңы салынуда. Қалада бірінші және жалғыз триатлон-саябағы пайда болады. Оның құрылыс барысымен облыс әкімі Ерлан Қошанов танысып қайтты. Триатлон-саябағы «Көгілдір тоған» шағын ауданы мен Оңтүстік-Шығыс арасында орналасады.
- Жұмыстар кезең-кезеңмен жүріп жатыр. Біз құрылыс алаңын дайындадық, аумақты тазаладық. Қазір біз қажетті рұқсаттамаларды аламыз. Жағалау жолағын тазартып, жарықтандыру жұмыстарына кірісеміз, - деді «Eurasia Building» тобының төрағасы Айдос Мұхатаев. - Шахтерлер күніне қарағандылықтарға сыйлық жасау үшін тамыз айында құрылысты аяқтауды жоспарлап отырмыз.
Триатлон- саябағында тартан мен асфальтбетоннан жасалған ұзындығы 5 шақырым жүгіру және велосипед жолдары салынады. Жүзу үшін алыс және қысқа қашықтықтарға понтондар жабдықталады. 100 велосипедке арналған спорт алаңы мен транзиттік аймақ, автотұрақ, теннис корты, қарт адамдар мен кішкентай балалары бар аналарға арналған демалыс аймағы қарастырылған.
Жаңа спорт нысанында халықаралық жарыстар өткізуге болады.
- Салауатты өмір салты үшін қала тұрғындарына осындай саябақ қажет. Мен жоба жақсы ойластырылғанын, спортпен шұғылдануға және демалуға жақсы жағдай жасалатынын көріп отырмын, - деп атап өтті Ерлан Қошанов.
Аймақ басшысы саябақтың аумағын мүмкіндігінше көбірек көгалдандыруға тілек білдірді. Құрылыс орнында 300 ағаш отырғызған. Компания басшысының айтуынша, жыл соңына дейін жасыл желектер саны 10 есеге артады.
Триатлон-саябағын «Рухани жаңғыру» бағдарламасы бойынша жеке құрылыс компаниясы салады. Құрылыс аяқталғаннан кейін ол мәдениет және демалыс саябақтары басқармасының қарамағына көшіріледі. Жергілікті билік алдағы уақытта спорт нысанына кірме жолдарды жайластырып, қауіпсіздікті қамтамасыз етеді. Келушілерге ыңғайлы болу үшін қоғамдық көлік маршруты іске қосылады.

 


Кері қайту


Все новости региона

01.01.1970
01.01.1970
01.01.1970

Ауа райы

25°
В Балхаше: ясно, Влажность 27%, Давление 713, ветер 5 м/с

Валюта курстары

USD 386.77
Euro 427.26
Рубль 6.00

Дауыс бер

Сіз электрондық үкімет порталында электрондық қызмет алдыңыз ба? Жауап беруДауыс беру мұрағаты
© 2007-2019 Балқаш қаласының әкім аппаратының ақпараттық порталы Сайт материалдарын пайдаланғанда ақпарат алған көзге сілтеме жасау міндетті
Яндекс.Метрика
© 2019 Зерттеме және сүйеніш: "Creatida" Интернет-компаниясы
На главную
Назад
Вверх