Балқаш қаласы әкімдігінің
Ресми сайт
poisk

Облыстың жаңалықтары

15 Мамыр 2019
Сүт өңдеу саласында жергілікті шикізат сатып алу қарқындатылуда

Қарағанды облысы әкімінің орынбасары Серік Шайдаров Теміртауға жұмыс сапары барысында «Ren milk» ЖШС және «АЯН м» ЖШС болып қайтты. Ол сүт өнімдерін өндірудің технологиялық үдерістерімен танысып, кәсіпорын басшыларымен мемлекеттік қолдау көрсету мәселелерін және саланы одан әрі дамыту перспективаларын талқылады.
Бұл зауыттар облыста өндірілетін сүт өнімдерінің 65%-ын, оның ішінде майлылығы 2,5% сүт және айран сияқты әлеуметтік маңызы бар азық-түлік өнімдерін шығарады. Сүт ассортименті өндірісінде теміртаулық өндірушілер консерванттарды пайдаланбайды. Барлық өнімнің заманауи сапа сертификаттары бар және Теміртау, Қарағанды және облыста, сондай-ақ Нұр-Сұлтан астанасында сатылады.
- Біз үшін өңдеуші кәсіпорындардың жергілікті шикізатпен жұмыс істеп, тұрғындар мен кооперативтерден сүт қабылдауы өте маңызды. Сондықтан мемлекеттік қолдау көрсету бағдарламалары одан әрі шикізат сатып алуды ұлғайтуға бағытталатын болады. Қазір мемлекет тауар өндірушілердің инвестициялық салымы кезінде шығындарды субсидиялау үшін айтарлықтай қаражат бөледі. Бұл бағдарламаны одан әрі дамыту, шығарылатын өнімнің ассортиментін кеңейту үшін пайдалану қажет, - деп атап өтті Серік Шайдаров.
Кәсіпорын басшылары шығарылатын өнімнің сапасын арттыру бойынша жүргізіліп жатқан жұмыстар, өндірісті кеңейту жоспарлары туралы айтып берді. «Ren milk» ЖШС директоры Василий Рычков тұрғындардан сүт қабылдауға зертханашылар баратын маршруттар санының артқанын хабарлады. «АЯН м» ЖШС ірімшік өндірісін жолға қоюды жоспарлап отыр.
Кәсіпорын басшылары өнімді сату кезінде «Сауда қызметін реттеу туралы» ҚР Заңына сәйкес міндетті түрде әлеуметтік маңызы бар азық-түлік тауарларына шекті сауда үстемесінің мөлшерін белгілей отырып, жеткізу шарттары жасалатынын атап өтті.
Қарағанды облысы әкімдігінің аппараты
 


Кері қайту


Все новости региона

01.01.1970
01.01.1970
01.01.1970

Ауа райы

24°
В Балхаше: облачно, Влажность 23%, Давление 706, ветер 8 м/с

Валюта курстары

USD 378.93
Euro 423.00
Рубль 5.87

Дауыс бер

Сіз электрондық үкімет порталында электрондық қызмет алдыңыз ба? Жауап беруДауыс беру мұрағаты
© 2007-2019 Балқаш қаласының әкім аппаратының ақпараттық порталы Сайт материалдарын пайдаланғанда ақпарат алған көзге сілтеме жасау міндетті
Яндекс.Метрика
© 2019 Зерттеме және сүйеніш: "Creatida" Интернет-компаниясы
На главную
Назад
Вверх